'Gogoeta, ilaran'
Ikusmina pizten duen kirol ekimen bat dagoen bakoitzean, futbola, pilota edo Euskal Herrian jarraipena duen beste zer edo zer dela, gauza bera gertatu ohi da. Eta ez naiz leihatilaren aurrean sortzen den ilarari buruz ari, ilaran diren zaleek hizpide dutenari buruz baizik.
Hain zuzen ere, Athleticek 600 sarrera bidali dizkio Realari, eta klub donostiarrak 200 banatu dizkie lagunarte txuri-urdinei eta 200 jarri ditu salgai, leihatilan. Gainontzeko 200 sarrerak klubaren «konpromisoentzat» erreserbatu dituzte. Bada, azken honek sortzen du eztabaida –baita haserrea ere–; «konpromiso» hitzaren atzean inork ez baitaki zer eta zeintzuk dauden. Hemezortzi ordu ilaran egoteak halako gogoetak pizteko denbora ematen du.
