Marrutxipi: Trafiko arazoak ez dira autoentzako azpiegitura gehiagorekin konponduko
Badira aste batzuk Marrutxipi autobideko sarrera berria ireki zela, guztira 13 milioiko kostuarekin. Obra hori egiteko arrazoia ibaiaren sarreran trafikoa arintzea izan da beti.
Kalapietik hasieratik jardun honen aurka egon gara, eta behin baino gehiagotan aipatu dugu modu honetan jokatzea trafiko arazoak konpontzeko ideia txarra dela; izan ere, ebidentziek argi erakusten dute autoarentzako azpiegitura handiagoa izateak autoaren erabilera handiagoa dakarrela. Mundu osoko mugikortasun-adituek eskari induzitua deitzen dioten kontzeptua da.
Eskari induzitua behatutako egitatetik dator: zerbait errazten edo sinplifikatzen baduzu, jende gehiagok erabiliko du. Ondorioz, bidaia-eskaera handia den leku batean automobilentzako bide-edukiera handiagoa sortzen denean, auto gehiago ibiliko dira. Hau da,”pilaketa konpontzeko” bide-ahalmen handiagoa sortzen baduzu, epe luzera, auto gehiagok bide hori erabiliko dutenez lehen zeneukan pilaketa-maila berarekin amaituko da.
Teoria hau dagoeneko frogatu dute munduko hainbat lekutako hainbat ikerketek. Adibide gisa, Hungariako eta Estatu Batuetako unibertsitateen bi estudio hauek ditugu:
If you build it, they will drive: Measuring induced demand for vehicle travel in urban areas
hala ere kontzeptu hau hobeto ulertzeko, bi bideo hauek gomendatzen ditugu:
Ikerketek, adituek eta esperientziak frogatzen duten fenomeno honen salbuespena izango ote da Marrutxipi? Zantzuen guztien arabera, ez, eta aurreikusten dugu groseko trafikoaren egoerak okerrera egingo duela eta ez dela hobekuntza nabarmenik egongo ibaiko bidean.
Zantzuak gorabehera, mugikortasunari buruzko eztabaida politikoa oraindik ere autoarentzako azpiegitura gehiago eraikitzean oinarritzen da, eta ez mugikortasun aktiboaren hobekuntzan; oraingoan, eztabaida Sorlekun haurrentzako parkearen ordez disuasio-aparkaleku bat eraikitzean kokatu da. Dirudienez, azkenean, jarduera hau ez da gauzatuko, baina beldur gara Gabonetan aparkaleku berrien mamua berriro agertuko ote den gros auzoko auto-ilarak errepikatzen hasten direnean.
Bitartean, mugikortasun aktiboaren arazo askok konponbiderik gabe jarraitzen dute, Ategorrietan sortzen den korapilo-egoerak, non oinezkoek eta bizikletaren erabiltzaileek auto eta bidegurutze kopuru handiegiari aurre egin behar dioten, konponbiderik gabe jarraitzen du eta Mirakruzeko bidegorria ez dago eta ez zaio itxaroten. Beraz, eztabaida mugikortasun aktiboaren sustapenean ere kokatzea eskatzen dugu, eta gai garrantzitsuak eztabaidatzea: Nola konponduko dugu Ategorrietako korapiloa?; Noiz etorriko da Mirakruzeko bidegorria?; Ba al du zentzurik Elosegi Alkatearen etorbidean Marrutxipiko lotune berriarekin 4 erreiko bide batek?; edo egin al daiteke hauteskunde-kanpainan agindutako Herrera-Loiola tunela?
