Altza kartografia historikoan
Artxiboetan katalogatutako planoak eta mapak oso lagungarriak dira gertaera historikoak garatzen diren espazioak hobeto ezagutzeko. Krokis soil bat zein maparik landuena eta ederrena oso lagungarriak izan daitezke biltzen duten informazio baliotsuagatik. Egungo garapen teknologikoari esker, dokumentu horiek gordetzen diren artxiboek erraztu egiten dute ikertzaileei eta jakin-minez daudenei funts horietarako sarbidea ematea.
Defentsaren Liburutegi Birtualean (Biblioteca Virtual [...]
"Fuerte de Alza" (1838)
Artxiboetan katalogatutako planoak eta mapak oso lagungarriak dira gertaera historikoak garatzen diren espazioak hobeto ezagutzeko. Krokis soil bat zein maparik landuena eta ederrena oso lagungarriak izan daitezke biltzen duten informazio baliotsuagatik. Egungo garapen teknologikoari esker, dokumentu horiek gordetzen diren artxiboek erraztu egiten dute ikertzaileei eta jakin-minez daudenei funts horietarako sarbidea ematea.
Defentsaren Liburutegi Birtualean (Biblioteca Virtual de la Defensa) esaten ari garen horren adibide bat da. Bertan, Defentsa Ministerioaren dokumentu-zerbitzuetan gordetako kartografia historikoaren bilduma bikaina eskaintzen da, eta webgunearen bidez oso kalitate onarekin eskura daiteke.
Altza mendeetan zehar ikuspegi militarretik bi puntu baliotsuen artean kokaturik dagoenez, hau da, Gipuzkoako plaza militar nagusia den Donostiaren eta Pasaiako portu estrategikoaren artean dagoenez, mapa ugari ditugu eremu altzatarraren zatiak barne hartzen dituztenak.
Gai militarrez gain (gotorlekuak, etab.), informazio garrantzitsua eskaintzen digu bide sareari eta ibilbideei, bai eta informazio toponimikoa eta gaur egun desagertuta dauden etxe eta baserri altzatarren kokapen zehatza ere. Krokis, mapa eta planoen artean 84 dokumentu dira guztira, eta Altzako Tokiko Bilduman ikus ditzakegu.
“Plano de la Ria y Puerto de los Pasages, y de las Poblaciones situadas en su Costa según se hallaban en el año de 1760″
