Altzako Herriko Etxea: iragana, oraina… eta ETORKIZUNA???
Joan den maiatzaren 26an Ekialdeko Barrutiko Batzarra bildu zen eta, besteak beste, Historia eta Memoria lantaldeak aurkeztutako Altzako udaletxeari beste erabilera bat emateko erabaki-proposamena onartu zen.
Hona hemen onartutako proposamenaren testua:
Altzako udaletxearen eraikina hutsa eta erabilerarik gabe dago duela urtebete baino lehenagotik. Iaz ALTZAKO HISTORIA MINTEGIAk eraikinaren erabilera finkatze aldera parte hartze prozesu bat burutzeko ideaia [...]
Joan den maiatzaren 26an Ekialdeko Barrutiko Batzarra bildu zen eta, besteak beste, Historia eta Memoria lantaldeak aurkeztutako Altzako udaletxeari beste erabilera bat emateko erabaki-proposamena onartu zen.
Hona hemen onartutako proposamenaren testua:
Altzako udaletxearen eraikina hutsa eta erabilerarik gabe dago duela urtebete baino lehenagotik. Iaz ALTZAKO HISTORIA MINTEGIAk eraikinaren erabilera finkatze aldera parte hartze prozesu bat burutzeko ideaia plazaratu zuen. Ideia hori bertan behera geratu zen Udal gobernuaren ezezkoa medio. Irisgarritasun arazoak medio, eraikinaren erabilera oso mugatua dagoela izan zen argudioa.
Urtebete baino gehiago igaro da, eta oraindik ez dago eraikinari erabilera emateko planteamendurik Udal gobernuaren aldetik.
Aurrekontu parte hartzaileen proposamenen artean, ELKARTASUNA auzo elkarteak Udaletxeari erabilera emateko proposamena aurkeztu du. Aldi berean, AHM-k ere bere proposamena luzatu du.
Eraikinaren egoera ez zen ona bertan UDALINFO bulegoak zeudenean, bereziki estalkipeko solairuan, hezetasunak eta itoginak baitzeuden. Eraikina itxita egoteak hondatze prozesua azkartu besterik ez du egingo.
Ikusirik Udal gobernuak ez duela planteamenturik egin, barrutiko batzar honek honako eskatzen dio Udal gobernuari:
1.- Adierazi dezala zein den Altzako Udaletxearen eraikinerako duen asmoa, halakorik badu.
2.- Sustatu dezala parte hartze prozesu bat Altzako herritarrekin eta auzo elkarteekin, eraikinaren erabilera finkatzeko asmoarekin.
3.- Jaso dezala hurrengo urteko aurrekontuetan eraikinaren birgaitze osoa egiteko partida bat, parte hartze prozesuan ateraratako emaitzak egikaritu ahal izateko.
Udal gobernua osatzen duten bi alderdien ordezkariek aurkako botoa eman zuten: Martin Ibabe eta Ana López (EAJ-PNV), Carlos García eta Juan Marrero (PSE-EE). Parte hartu zuten gainontzeko batzarkide guztiek alde: udal talde politikoen aldetik, Albino Machado (PP), eta, Mikel Osinalde, Zigor Etxeburua eta Garbiñe Alkiza (EH BILDU); auzo elkarteen aldetik, Harritokieta Larrañaga (IZBE), Mari Mar Martínez (Elkartasuna), Eugenio Rojo (Oleta), José Ángel Apaolaza (Herripe), eta Diego Morán (Buenavista); eta arloko elkarteen aldetik, Manex Ralla (Altzania), Miguel Ángel Díez (Sporting de Herrera), Izko Lekuona (Bizarrain Euskara Elkartea), eta Mercedes Fernández (Plazandreok).
