Atzoko Batzarra
Atzo, hilak 7, AHMren urteko Batzarra ospatu genuen Tomasenen. Atzean utzi dugun 2021. urteak emandakoaren balantzea egin genuen eta oso pozik gaude burututako lanarekin eta emaitzekin. Aurreko urteetan bezala, paperezko Estibaus buletina banatu zen (hemen deskargatu daiteke), non urteko memoria eta balantzearekin batera blogean argitaratutako sarrerak jasotzen diren. Aurreko urtearen ildo beretik jarraitzeko asmoa egin genuen [...]
Atzo, hilak 7, AHMren urteko Batzarra ospatu genuen Tomasenen. Atzean utzi dugun 2021. urteak emandakoaren balantzea egin genuen eta oso pozik gaude burututako lanarekin eta emaitzekin. Aurreko urteetan bezala, paperezko Estibaus buletina banatu zen (hemen deskargatu daiteke), non urteko memoria eta balantzearekin batera blogean argitaratutako sarrerak jasotzen diren.
Aurreko urtearen ildo beretik jarraitzeko asmoa egin genuen eta honez gero prest daude urteko ibilaldiak, maiatzeko Naturaldia eta Sarroeta-Martuteneko argazkiekin maiatzean ere egingo den erakusketa. Indarrean dago Donostia-Kulturarekin daukagun hitzarmena Altzako Tokiko Bilduma dokumentu berriez osatzeko, katalogatzeko eta ezagutzera emateko. Arlo digitalean orain arteko jarduerak lantzen jarraituko dugu, Altzanet web gunea, Youtube, sare sozialak, bloga… Altzaren historiarekin eta Memoria historikoarekin erlazionatutako jarduerak eta proposamenak bideratzen jarraituko dugu Ekialdeko Barrutiaren baitan. Jarduera horien eta egongo diren beste batzuen berri puntualki jasoko duzue.
Batzarraren hasieran Javier Canterarekin gogoratu ginen, azaroan utzi gintuen adiskide eta batzordekidearekin. Haren oroitzapenak aurrera jarraitzera bultzatzen gaitu.
