Marmitako goxoa dastatu dute Zipotz jaietan

Groseko Jai Batzordea

2017/07/18

Marmitako txapelketako irabazleak, epaimahaiko kideekin. (Argazkia: Groseko jai batzordea)

Groseko Zipotz jaiak amaitu dira, baina auzotarrek irribarretsu gogoratzen dituzte asteburuan bizitako momentu ederrak. Igande eguerdian, jaien azken egunean, marmitako goxoa dastatu zuten Katalunia plazan bildutakoek. Hamahiru bikotek parte hartu zuten Marmitako lehiaketan, eta prestatutako marmitakoa dastatu zuten herri bazkarian izan ziren 200 lagun inguruk. Eguraldi eguzkitsua lagun, giro ederra sortu zen Katalunia plazan. Marruma elkarteak antolatzen duen lehiaketa goizeko hamarretan hasi zen eta bizpahiru ordu ibili ziren lapiko artean, marmitako goxoena prestatzeko modua lortzeko lehian. Ioritz Berra eta Xotil Natke izan ziren irabazleak. Hala erabaki zuten epaimahia osatzen duten bizilagunek.