Udan aurrez aurreko ikastaroak eskainiko ditu AEK-k
Uztailean trinkoak, irailean azterketa prestatzekoak eta autoikaskuntza eskainiko ditu Groseko Irrintzin, online eskaintzaz gain.
Udan ere, egoera berriari egokitutako aurrez aurreko ikastaroak eskainiko ditu Donostiako AEK-k. Groseko Irrintzi euskaltegian emango dira ikastarook eta beharrezko segurtasun neurriak bermatze aldera, ikasleak gela ezberdinetan banatu beharko dira.
Ohiko eskaintzari jarraiki, maila guztietako ikastaro trinkoak eskainiko dira uztailean eta B2 eta C1 azterketak prestatzekoak irailean.Berrikuntza moduan, baina, ikasleak nahi izanez gero iraileko ikastaroei urrian eta azaroan segida eman ahalko die eta ahozkoa trebatzen jarraitu ahozko azterketaren bezpera arte. Gainera, egungo egoerari erreparatuta, aurtengo udan autoikaskuntza ikastaroak egitea ere izango da. Horretaz gain, AEKren ohiko online ikastaroak ere eskura daude.
Informazioa eskuratzeko edota izena emateko, Groseko Irrintzi AEK euskaltegira ez ezik, Amara Berri eta Antiguara deitzea ere badago.
UDA HEMEN DA, AEK ERE BAI.
Groseko Irrintzi-AEKn (Iztueta 3, behea)
Informazioa: donostia@aek.eus | 607 59 63 44 | 943 32 76 11
