Luizi bat izan da Ondarretan, Hydra eta tenis pisten atzealdean
Luizi bat gertatu da Igeldoko mendi magalean, Ondarreta inguruan, Hydra eta tenis pisten atzealdean, ondorio larririk eragin gabe. Pasa den gauean gertatu da, 23:30ak inguruan. Ondorioz, Igeldoko itsasargira eta funikularreko geltokira joateko errepidea moztu egin dute.
Eremu hori zaintzen ari zen udala, joan den asteko ekaitzak mugimenduak eragin baitzituen mendi magalean. Hain zuzen ere, asteazkenaz geroztik errail bat moztuta zegoen, babes moduan. Orain, errepidea bere osotasunean moztu behar izan dute luizia dela eta.
Luizia itsasargira doan errepidearen hasieran izan da (Argazkia: Nagore Koch).
