Txanpontxo ostegun arratsaldean iritsiko da; Thamessis-ek desfilea egingo du, konpartsaren 25. urtemuga dela eta.
Txanpontxo Guardaplatako bidetik jaisten. (Argazkia: Estitxu Zabala)
Auzoak jai giroan murgiltzeko garaia iritsi da jada. Bidebietako Txanpontxo jaiak ostegunean hasiko dira, Txanpontxo Guardaplata bidetik iristen denean. Erraldoi eta buruhandiekin batera jaitsiko da, eta ohi bezala, txokolatezko txanponak emango dizkie haurrei. Ondoren lehiaketa dibertigarri batean parte hartuko dute haurrek, Txanpontxoren antza gehien hartzen duen parte hartzailea sarituko dute-eta. Kuadrilek hartuko dute ondoren erreleboa, Julio Urkijon, batukada baten erritmoan, eta gauean elkarrekin afalduko dute Bidebietako elkartean.
Aurtengo programan ekitaldi berezi bat izango da: auzoko Thamessis konpartsak ere parte hartuko du jaietan, eta inauterietako desfilea jaien barruan egingo dute lehen aldiz. Zergatik? 25 urte bete ditu aurten, eta proiekzio baten bidez bere ibilbideko unerik onenak gogora ekarriko dituzte larunbatean, frontoian. Gainera, lehen aldiz produktu tradizionalen azoka egingo dute eta Herri Ametsa eta Trebeska dantza taldeen euskal dantza emanaldiak egingo dituzte. Lehiaketa bitxi bat ere egingo dute lehen aldiz, hanburgesa gehien jaten dituen parte hartzailea sarituko dute larunbatean, 13:00etan. Aurretik, tortila goxoena nork egiten duen erakutsi beharko dute auzotarrek, 11:00etan lehiaketa hasiko baita Allende parkean.
Musika zaleentzako hainbat emanaldi antolatu dituzte egitarauan. Ostiralean ska eta rock metal doinuekin piztuko dute festa Julio Urkijon, Lizarrako Irrikan, Bilboko Laia eta Mungiako Itziarren Semeak taldeak ariko baitira zuzenean. Larunbatean bazkari herrikoia egingo dute Amets Arzallus eta Igor Elortza bertsolariekin batera. Allende parkean bazkalduko dute 14:00etan.
Ostiralean haur eta gazteen eguna ospatuko dute. Askotariko jolas eta tailerrak izango dituzte aukeran, arratsaldean. Post-it-ak erabiliz Taxnpontxo erraldoi bat egin beharko dute, eta post it bakoitzean lelo bat idatzi beharko dute, lelo onena hautatu eta sarituko dute-eta ondoren. Zezen suzkoa, txokolate jana, apar festa… Aspertzeko astirik ez dute izango Bidebietan! Antzerkia ere izango da Txanpontxo jaietako egitarauan, larunbat arratsaldean. Haurrek Poxpolo eta konpainia-ren emanaldi batekin gozatu ahal izango dute frontoian; eta gazte eta helduek, berriz, Aldatzen Laguntzen konpainiaren
Amets Zirkoa salgai! obrarekin Kontadoresen. Kontzertuak, antzerkia, tailerrak, lehiaketak, puzgarriak, euskal dantza, herri bazkariak, bertsoak… Ostegunetik igandera jai egitarau ederra izango dute bidebietarrek. Ondo pasa!
EGITARAUA
Osteguna 14
17:30. Txanpontxoren jaitsiera erraldoi eta buruhandiekin Guardaplata bidetik.
18:30. Txanpontxoren makilaje txapelketa (Zatoz eta Txanpontxoz makilatu. Zeinek lortuko du antza gehien izatea?)
Bidebietako Haurtxokoan.
20:00. Kuadrilen jaitsiera, batukada eta kuadrilen arteko jokuekin, Julio Urkijotik.
22:30. Kuadrilen afaria Bidebieta Elkartean.
Ostirala 15
17:00. Erraldoi eta buruhandiak Guardaplatabidetik.
17:30. Haur eta gazte eguna Allende parkean.
– Kermessa (12 urtetik beherakoentzat)
– TXANPOST-IT (Txanpontxo erraldoi bat egin post-it-ak erabiliz).
– TXANPONTXO LELO LEHIAKETA (Marrazkia egiterakoan post-it bakoitzean bakoitzak idatzi dezake leloa, adin guztiak, 19:30ean sari banaketa).
– Haur eta gazteentzako probak (Adin guztiak).
18:00. BATTLEFIELD TALDEKA (13-17 urtekoentzat)
19:00. Txokolate jana Allende parkean.
19:30. Apar festa Allende parkean.
20:00. Afari herrikoia Julio Urkijon.
22:00. Suzko zezena Guardaplatabidetik.
23:00. Txanpontxo kontzertuak Julio Urkijon.
– Irrikan (Lizarra)
– Laia (Bilbo)
– Itziarren Semeak (Mungia)
Larunbata 16
Goizean zehar, herriko produktuez osaturiko azoka: ogia, gozoak, patea, gaztak, txerrikiak, barazkiak, taloak… Allende parkean.
11:00. Puzgarriak Allende parkean.
11:30. Tortila txapelketa Allende parkean.
12:00. Erraldoi eta buruhandiak Bidebietako Gaiteroekin, Guardaplatabidetik.
12:30. Kantujira auzoan zehar.
14:00. Bazkari herrikoia bertsolariekin Allende parkean: Amets Arzallus eta Igor Elortza.
17:30. Kale antzerkia ‘Poxpolo eta konpainia’ (12 urtetik beherakoentzat) frontoian.
17:30. Gazteentzako jolasa (13 urtetik gorakoentzat) Bidebietako gaztelekuan.
18:00. Danborrada, 5. Bloketik.
19:00. Mus txapelketa eta Afaria.
20:00. Pintxo potea eta Apirileko Feria. Jantzi mozorroa eta zatoz! Julio Urkijon.
20:00. Amets Zirkoa antzezlana, Aldatzen Laguntzen taldearekin, Kontadoresen.
21:00. Thamessis-en 25. urtemuga: konpartsaren historia osoari buruzko argazki eta bideo proiekzioa eta dantza emanaldia Thamessis-en eskutik, frontoian.
22:00. Flamenquito (Kontadores/Donostia Kultura) Julio Urkijon.
23:30. DJ JO TA TXO, Julio Urkijon.
Igandea 17
12:00. Erraldoi eta buruhandiak Bidebietako Gaiteroekin, Guardaplatabidetik.
12:00. Helduentzako toka eta botea Pintxo Potearekin.
12:30. Euskal Dantza Emanaldia (Herri Ametsa ikastolaren eskutik) Julio Urkijon.
16:00. Haurrentzako toka eta botea.
16:30. Auzoan zehar Thamessis konparsaren desfilea.
18:00. Herri kirolak 5. Blokeko futbol zelaian.
– Ernesto Ezpeleta (Eibar) – Aizkolaria.
– Ugaitz Muguerza (Mutriku) – Aizkolaria.
– Agustin Landarbide (Aia) – Harrijasotzailea.
19:00. Sardina jatea 5.blokeko futbol zelaian.
19:00. Euskal Dantza emanaldia (Trebeska Dantza Taldearen eskutik) 5. Blokeko futbol zelaian.
