Gay, lesbiana eta transexualen askapenerako nazioarteko egunaren harira, manifestazio bat egingo dute larunbatean

Udalak bat egin du hainbat elkarterekin, eta bandera koloreaniztuna udaletxeko fatxadan jarriko du

Irutxuloko Hitza

2015/06/26

Gay, Lesbiana eta Transexualen Harrotasunaren Egunean, manifestazio bat egingo dute. (Argazkia: Xabier Etxabe)

Gay, Lesbiana eta transexualen askapenerako nazioarteko eguna dela eta, hainbat elkartek iganderako manifestazio bat antolatu dute, Bulebarretik, 18:00etan. Donostiako Udaleko Giza Eskubideen atalak bat egin du Donostia Kulturarekin eta Gehitu, Errespetuz, AMPGYL, Chrysallis, Garaipen, EHGAM, Kitzikan, Donostiako Bilgune Feminista eta Medeak elkarteekin, sexu-askapen afektibo-sexualaren aldeko egunaren harira. “Tolerantziaren eta berdintasunaren alde lan eginez. Helburu nagusia da pertsonek duten sexua, joera sexuala edo eta sexua identitatearen arabera diskriminatuak ez sentitzea”, dio udalaren oharrak. Hala, udalak gogorarazi du, Giza Eskubideen ataletik pertsonen askatasun afektibo-sexualaren defentsan lan egiten duten elkarteen proposamenak laguntzen dituela. Hala, bandera koloreaniztuna udaletxeko fatxadan eta hiriko autobusetan ipiniko duela jakinari du.