Mandasko Dukearen kaleko biribilguneko bideo batek sarea astindu du
Sare sozialetan bolo-bolo dabil Mandasko Dukearen kaleko biribilgunean egindako bideo bat. Herritar batek Facebooken jarri, eta bertan ematen diren arau-hausteak agerian utzi ditu: semaforoa gorrian dagoela gurutzatzen duten bilgailuak, aurkako norabidean doan motor bat, biribilgunean bertan furgoneta uzten duen gidaria… Sare sozialetan hainbat iruzkin utzi ditu jendeak: biribilgune txikiegia dela, Erdialdetik datozen autoak azkarregi datozela edo gune arriskutsua dela, besteak beste. Biribilgune hau joan den urtearen bukaeran egin zuten.
