Amassorrain ikastolaren urteurren jaia prestatzen ari dira

Añorgako ikastetxeak 50 urte bete ditu, eta maiatzean ospatuko dute.

Estitxu Zabala

2016/04/26

Amassorrain ikastolako ikasleak. (Argazkia: Lide Ferreira)

Amassorrain ikastola jada ez da jaioberria. Mende erdia bete du Añorgako eskolak, eta ospakizun jaialdia prestatzen ari dira maiatzaren 27 eta 28rako. Egungo ikasleek, noski, parte hartuko dute aurtengo jaialdian, baina ikasle ohiei ere deia zabaldu diete. Izan ere, maiatzaren 28an ikasle ohien arteko olinpiadak antolatu dituzte, eta parte hartu nahi duenak izena eman beharko du maiatzaren 6a baino lehen, formulario hau beteta. Horretarako, aurretik, 3 euroko diru sarrera egin behar da, Euskadiko Kutxako kontu honetan: 2095-5139-20-9115471720. Bestetik, herri bazkaria ere egingo dute urteurrenaren harira, maiatzaren 28an. Auzoko frontoian egingo dute, eta bi menu daude aukeran, helduena (20 euro) eta haurrena (13 euro). Helduen menua hau izango da: Patea, entsalada, basatxerri txerri saiheskia parrillan entsaladarekin, limoizko sorbetea, kafea eta kopa. Haurren menua, horrela osatuko dute: urdaiazpiko kroketak, eusko label hanburgesak patata frijituekin, eta izozkia. Txartelak salgai egongo dira, maiatzaren 13a arte, leku hauetan: ikastolan, Jolas Etxea tabernan, Coviran dendan eta Añorga Txiki tabernan.

Bideoklipa

Añorgako Asgarth musika taldeak ere bat egin nahi izan du ikastolarekin. Hala, Beñat Gaztelumendirekin batera, 50. urteurreneko abestia sortu dute. Orain, bideoklipa prestatzen ari dira, eta, bertan, ikastolako hainbat taldek hartuko dute parte. Grabaketekin hasi dira jada, eta bertan parte hartzeko deia zabaldu dute. EGITARAUA. MAIATZAK 27, ostirala

16:45-18:15. Ane pirata
18:30-19:00. Txokolate jana
19:00-21:30. Kafe Antzokia
19:00-19:05. Piano eta poesia sarreratxoa
19:05-19:25. Seigarren mailako ikasleen antzezlana
19:25-19:45. Orixe Txikia
19:45-20:05. Triki saioa
20:05-20:20. Bertsoaldia
20:20-20:40. Antzerki tailerra
20:40-21:00. Gitarra emanaldia
21:00-21:05. Amassorraingo kanta
21:05-21:10. Piano eta poesia itxiera

MAIATZAK 28, larunbata

10:00. Olinpiadak. Dokumentala/ erakusketa
13:30. Haurren bazkaria
14:30. Helduen bazkaria
15:00. Txotxongiloak, haurrentzat
16:30. Omenaldia
17:30. Erromeria
18:30. Buruhandiak
19:30. Elektrotxaranga
21:00. Ogitartekoak
22:30. Kontzertuak: Burun Danga, Asgarth, Kiwis, Phisys vs nomos