"Pirata txikiak: abordatzera!!"

Abordatze txikia egin dute kaiko arrapalan.

Agurtzane Altuna

2016/08/18

Pirata txikiak lehertuta bukatuko dute gaur eguna, luzea, oso luzea izan baita. Jolasak izan dituzte goizean La Flamenka gunean. Ondoren, bertan bazkaldu eta Irrien Lagunak taldeko Ane Pirataren aginduetara dantza eta kanta egin ostean, guztiak kaiko arrapalara joan dira! Ur jolasak egin dituzte bertan. Gaur euren eguna izanik, akabo bustitzeko edo aurpegia zikintzeko debekuak. Pirata Bihurriak kofradiaren ardura da pirata txiki guztiak antolatzea eta gaurkoan ere bikain moldatu dira. Ontzietan taldeka igo eta uretara abiatu dira guztiak. Txikienak gustura, ontziei bultzaka zihoazen gurasoak, ez hainbeste. Baina helburua bete dute. Abordatu dute hiria, lortu dituzte uretan zeuden zapi zuri guztiak bildu eta Ezkila kapitainari ekartzea. Bihurrietan bihurrienek ederki erakutsi dute jaiaz eta uraz gozatzen badakitela!

Azken bideoak