'Agorrila' ikuskizuna estreinatuko du igandean Gero Axular Dantza Taldeak
Antzerkia eta dantza uztartzen dituen emanaldia, Viktoria Eugenia Antzokian eskainiko dute
Gero Axular Dantza Taldeak Agorrila ikuskizuna estreinatuko du igandean, hilak 28, Viktoria Eugenia Antzokian. Antzerkia eta dantza uztartzen ditu emanaldiak, eta oinarri historikoa du.
Horrela dio sinopsiak: XIX. mendearen hasieran Frantziako Gobernuko Justizia Ministroak –Joseph Garat lapurtarra zen bera- proiektu bat garatu zuen zazpi euskal lurraldeak “Fenizia Berria” izenez bataiatzea proposatzen zuen estatu izaerako ente administratibo batean elkartzeko. Alabaina, garai hartan bizi ziren gertakari nahasiek galerazi zuten proiektu hau azken bururaino eramatea. 1810 eta 1813. urteen arteko epea bereziki gogorra izan zen “Fenizia Berrian”, eta zer esanik ez Donostian, garai hartan gudaroste frantsesek hartua.
Sarrerak Donostia Kulturaren webgunean eskuratu daitezke. 
