Donostiako Aste Nagusiak webgune berria du

Su Artifizialen 54. Nazioarteko Lehiaketaren egitaraua aurkeztu dute

Inaxio Esnaola

2017/07/18

Eneko Goia eta Alfonso Gurpegi, aurkezpenean (Argazkia: I. Esnaola)

Abuztuaren 12tik 19ra izango da Donostiako Aste Nagusia, eta gaur webgune berria aurkeztu dute Kontxako erlojuetan. Bertan izan dira, Eneko Goia alkatea eta Alfonso Gurpegi Festa Jardueretako zinegotzia. Era berean, Su Artifizialen 54. Nazioarteko Lehiaketaren programaren xehetasunak eskaini dituzte. Webgune berria gailu desberdinekin bisitatu daiteke, eta bertan eskura dago Su Artifizialen eta Sagueseko kontzertuen inguruko informazio zabala. Su Artifizialen programa, egunez egun, ondorengoa da:

Abuztuak 12, larunbata. Pirotecnia Accitana Maria Angustias (Granada).
Abuztuak 13, igandea. Pirotecnia Hermanos Caballer (Castello).
Abuztuak 14, astelehena. Pirotecnia del Mediterraneo (Valentzia).
Abuztuak 15, asteartea. Pirotecnia Poleggi (Italia).
Abuztuak 16, asteazkena. Pirotecnia Peñarroja (Castello).
Abuztuak 17, osteguna. Liuyang New Year Fireworks (Txina).
Abuztuak 18, ostirala. Pirotecnia Lopez (Coruña).
Abuztuak 19, larunbata. Piromusikala, Ricasa (Valentzia).