Txoroskopoa: 'Eta zu nolakoa zara?'
Txoroskopoa
Aquarius: Urtarrilaren 20tik otsailaren 18ra. Zorrotza eta xibarita da. Ganbak ere sardexka eta labanarekin jaten ditu. Lau paretetatik bat soberan du. Google-en algoritmoen arabera kofradia gertukoena Xibaroak eta Xelebreak.
Piscis: Otsailaren 19tik martxoaren 20ra. Ez da inorretaz fidatzen, horregatik du arrain begirada (beti ari da alboetara begira). Alboka jotzen du bere denbora librean. Ez du identitate finkorik, bila dabil. Google-en algoritmoen arabera kofradia gertukoena Eskifaia eta Amara Berriko txalekoak.
Aries: Martxoaren 21etik apirilaren 19ra. Carpe Diem filosofiakoa. Gozozale amorratua. Donostiako Aste Nagusi klasikoaren maitalea. Horregatik barkiloa baino beleroa nahiago du. Google-en algoritmoen arabera kofradia gertukoena DKF (Donostiako Kofradia Fantasma) eta Traganarruak.
Taurus: Apirilaren 20tik maiatzaren 20ra. Eskuzabala da. Duen dena ematen du. Moskitoak erakartzen ditu. Behia da bere animaliarik gustokoena. Antitaurinoa eta beganoa da. Google-en algoritmoen arabera kofradia gertukoena Aingura eta Traganarruak.
Gemini: Maiatzaren 21etik ekainaren 22ra. Akelarre eta purpurinazalea da. Bazkari familiarretan osabaren boterea zalantzan jartzen duena. Dj Miauren kontzertuetara sartzeko (pepsi) kola egiten duena. Google-en algoritmoen arabera kofradia gertukoena Kantauri eta Sardinerak.
Cancer: ekainaren 22etik uztailaren 22ra. Futbolzale amorratua da. Purozalea eta orojakilea da. Gorra dela dirudi beti ohiuka dabil-eta. Euskal Herri tropikala da bere ametsa. Google-en algoritmoen arabera kofradia gertukoena Jaranero eta Aingura.
Leo: Uztailaren 23tik abuztuaren 22ra. Irakurzalea da, Iñaki Egañaren liburu guztiak irakurri dituena. Txistua eta danbolina jotzen ditu. Mintzalaguna da. Google-en algoritmoen arabera kofradia gertukoena Xelebreak eta Kale Poza.
Virgo: Abuztuaren 23tik irailaren 22ra. Zinemaldia da bere Aste Nagusi Pirata, eta autografoa eskatzea bere abordatzea. Viggo Mortensenekin dauka bere watxapeko argazkia. Google-en algoritmoen arabera kofradia gertukoena Ubarroiak eta Eskifaia.
Libra: Irailaren 23tik urriaren 22ra. Anbizio handikoa da. Deustun ikasitakoa da. Bere etxetik Brexita egin nahi du, bere gela Airbnb-en alokatu ahal izateko. Google-en algoritmoen arabera kofradia gertukoena Kale poza eta Eskifaia.
Escorpius: Urriaren 23tik azaroaren 21era. Ospetsuen moda jarraitzeko beti dago on-line. Facebookean kalean baino lagun gehiago edukitzeaz harro dago. Gu ta gutarrak-eko tronista izatea da bere ametsa. Google-en algoritmoen arabera kofradia gertukoena Eskandalosa eta Jaraneroak.
Sagitarius: Azaroaren 22tik abenduaren 21era. Sexu ehiztaria da. Krossfit egiten du. Eskaparateak eta ispiluak ez ditu bereizten. Arrastoa uzten duen horietakoa da. Google-en algoritmoen arabera kofradia gertukoena Eskifaia eta Filibusteroak.
Capricornius: Abenduaren 22tik urtarrilaren 19ra. Mendizalea da. Egunero adarra igotzen du. Adarjoletzat du bere burua. Bere kapritxorik handiena mikro irekia da. Google-en algoritmoen arabera kofradia gertukoena Kantauri eta Kale poza.
Zapaburius: Otsailaren 29tik 31ra. Igeldoko behien askan bizi da. Badaki ez dela inoiz igel bilakatuko, ezta nahi ere. Betigaztea da, horregatik du txakurren adina. Google-en algoritmoen arabera kofradia guztietan da onartua. 
