Urgullpeko gazteak taldeak ‘Alde Zaharreko gazte eguna’ antolatu du larunbaterako, “gurea dena berreskuratuz, Alde Zaharra gaztetzera goaz!” lelopean. Egun osorako antolatu dituzten ekitaldi desberdinetan parte hartzera animatu dute jendea. Besteak beste, asanblada irekia antolatuko dute 13:00etarako, auzoko gazte mugimenduaren iragana eta norabidea aztertzeko. Bazkaria ospatuko dute ondoren Arrano elkartean eta, arratsaldean, ‘kalejira aldarrikatzailea’ egingo dute Zuloaga plazatik hasita, 17:30ean.
