Emakumearen Eguna, ekitaldiz gainezka
Emakume taldeek eta hainbat gizarte eragilek bat egin dute, astearteko Emakumeen Nazioarteko Egunaren harira, ekitaldi sorta prestatzeko. Elkarte batzuen eta besteen ekimenak bilduz, programazio mardula osatu dute. Horien bitartez, emakumeek han eta hemen bizi duten egoera hamaika ikuspegitatik ezagutzeko aukera eskainiko dute.
Astearterako, dena den, denek bat egiteko manifestazioa deitu dute, 19:30etik aurrera, Bulebarretik. Gizartean berdintasuna nagusitzeko aldarrikapenera joan aurretik, 17:30ean, emakumeen arteko topaketa antolatu dute Emakumearen Etxean, eguna elkarrekin ospatzeko.
Emakumeen Nazioarteko Eguna, beste ekimen batzuk:
- Astelehena. Oihulari Klownen bakarrizketa. Ondoren, askaria egingo dute, Larratxo kultur etxean, 17:00etan.
- Asteartea. Senegal eta Indiako bi emakumek hitzaldia eskainiko dute, 17:30ean, Intxaurrondo Berri kultur etxean.
- Asteazkena. The… con Teatro Estudio antzezlana. 17:30ean, Egiako kultur etxean.
- Osteguna. Hitz eta Pitz: Queer teoria, zer da? hitzaldia, 19:00etan, Emakumeen Etxean.
- Igandea. Indiako emakume taldeen lana eta bertako gizartearen jokamoldea ezagutzeko jarduerak antolatuko dituzte, Egiako Plaza Haundin, 11:00etatik 14:30era.
