Bera Bera eta Itxakoren arteko partida bihar izango da
Itxakok Txapeldunen Ligako finalerdietako partida jokatu behar du asteburuan, Hungarian. Hori dela eta, asteburuan jokatu beharreko ABF Ligako partida bihar jokatuko du Bera Berak Lizarrako taldearen aurka. Bidebietako kiroldegian izango da norgehiagoka, bihar, 19:00etan. Gogoz hartuko du partida Reyes Karrereren taldeak, joan den asteburuan puntu bakarrarengatik galdu baitzuen Elcheren aurka, 30-29.
