Donostikluba zirkuituak webgunea berritu du
Donostikluba zirkuituak web ataria sortzea lortu du, Sanmigueldonostikluba.com. Musika zirkuituak berak sortzen duen programazioari buruzko informazioa emateaz gain, zirkuitua bera osatzen duen komunitatearentzako gune eta topagune izan nahi du. Kultur eragile publiko eta pribatuena, babesleena, musikariena, eta ikus-entzuleena.
Sare sozialetan zabalduko da gainera, Facebook, Twitter eta Spotify bidez. Hiriko klubak Donostiklubaren ohiko eszenatoki direnez, hauei ere, euren kultur programazioa zabaltzeko aukera emango zaie. Horrela, musika zaleek, «formatu txiki eta ertaineko musika jarduerei buruzko agenda osatuagoa izango dute». Donostiklubak berak ekoitzitako bideoak ere jarriko dituzte webgune berrian. Orain arte Dotore, Facto de la Fe eta Mursegori buruzkoak egin dituzte.
Donostikluba zirkuituak Tokiko Musika Erakustaldiko finalistei harrera egingo die laster. Donostia Kulturak musika talde hasiberrientzako deialdia zabaldu zuen, eta ja aukeratu dituzte hautagaiak. Flashback, Frida Pipol, June CD, Krell, Latitud 43ºN, Madeleine, Oreindik, Polaroid, Red Veil, Rock Privado, Rollover, Sabur, Singapur, Siete C, Sodium Rama eta Underneed lehiatuko dira. Victoria Eugenia Antzokiko klubean izango dira zuzenean talde guztiak.. Antolatzaileek laster iragarriko dituzte kontzertuen datak eta programazioa.
