Agirre eta Fernandez, Espainiako Selekzioan
Bera Bera Eskubaloiko Zulai Agirre kapitaina eta Bea Fernandez hautatu ditu Espainiako Selekzioak. Izan ere, nazioarteko Sei Nazioak izeneko txapelketan parte hartuko du Espainiako Selekzioak, Alemanian. Astelehenean kontzentrazioa izan zuten bi jokalariek gainontzeko taldekideekin, Guadalajaran. Hala, bihar bertan Alemaniarako hegaldia hartuko dute Madriletik. Txapelketa jokatu ostean, apirilaren 25ean aurreikusi dute Donostiara itzultzea.
