Pilota txapelketak antolatu dituzte Añorgan
Añorgako Karmengo jaiei begira, auzoko jai batzordeak urteroko pilota goxo txapelketa antolatu du. Binakako txapelketa izango da eta partidak partaide kopuruaren arabera antolatuko dituzte. Finala, jaietako koadrilen egunean ospatuko dute, uztailak 18, arratsaldez. Bestetik, aurten, lehen aldiz, emakumezkoentzako frontenis txapelketa ere antolatu dute. Nahi duenak izena eman dezake, Gure Kabia elkarteko zerrendetan edo Añorga KKEren egoitzan (astelehenetik ostiralera, 18:30-20:30).
