Miguel de Aranburu Gipuzkoako Historialari Elkartea sortu dute
Miguel de Aranburu Gipuzkoako Historialari Elkartearen aurkezpena. Ezkerretik eskuinera: Alvaro Aragon, Carlos Rilova eta Jose Luis Orella.
Gipuzkoako historia bildu eta zabaltzeko asmoz sortu berri dute Miguel de Aranburu Historialari Elkartea. Euskal Herriko zenbait historialarik eta unibertsitate irakaslek sortu dute elkartea. 1696ko Foru Bildumaren egilearen omenez jarri diote Miguel de Aranburu izena.
Alvaro Aragon historialari oiartzuarra, eta Jose Luis Orella eta Carlos Rilova historialari donostiarrak izan dira gaur, Koldo Mitxelenan, elkartearen aurkezpenean. Hilero hitzaldi sorta bat eskainiko dute bertan. Lehena asteazkenean, urtarrilaren 25ean egingo dute. Lydia Zapata EHUko irakasleak “Nekazaritzaren hastapenak Gipuzkoan” hitzaldia emango du euskaraz.
