Rekondo jatetxeak erosi du lehen izokina
Bidasoa ibaiko izokinen arrantza denboraldia hasi da jada
Bidasoa ibaiko izokinen arrantza denboraldia hasi da jada. Lehen izokina arrantzale nafar batek arrantzatu du. Jose Brontek harrapatu zuen atzo, Bidasoa ibaian. Bronte Arguedaskoa da (Nafarroa), eta 08:25ean arrantzatu zuen arraina, Lesakako Endarlatsa auzoan (Nafarroa). 82 zentimetroko luzera zuen, eta sei kilo eta erdiko pisua. Igeldoko Rekondo jatetxeak erosi du. Iaz bezala, Txomin Rekondo jabeak arrantzalearekin negoziatu eta 1.600 euroren truke eskuratu du Bidasoako lehen izokina.
