Zubiri-Manteo ikastetxeko Merkataritza eta Marketin Kudeaketako ikasleak, urtero bezala, ikasketa amaierako proiektua gauzatzen ari dira. Aurten,Gizalderekin bat eginda, herritarrek boluntariotzaren garrantziaz kontzientzia hartzea dute helburu. Horretarako, ‘Ez horregatik’ kanpaina abian jarri dute gaur goizean. Horren berri emateko, Zurriolatik irtenda, hiru hondartzen ibilbidea osatu, eta Parte Zaharrean barrena ibili dira gurpil gainean. Gaurtik ostirala bitartean beste hainbat kale ekimen aurrera eramango dituzte. Ostiralean, berriz, amaiera ekitaldia egingo dute Aquariumen.
