Museoez gozatzeko eguna
Museoen Nazioarteko egunean doako bisitak eta jarduera bereziak egiten ari dira
Turistek eta donostiarrek museoez gozatzeko egun polita dute gaur. San Telmo Museoan doako bisita gidatuak egiten ari dira, eta sarrera ere doan da. Berritze lanen azalpenak, eta eraikinaren sekretuak ezagutzeko aukera eman diete bisitariei.
Arratsaldean, 17:00etan euskarazko bisita gidatua egingo dute eraikinaren arkitekturaren inguruan. Ordu berean kantu emanaldia egingo du Musikeneko talde batek. 22:00ak arte, dantza ikuskizunak, piano emanaldia eta ganbera musika talde baten emanaldia izango dira ikusgai.
