Kontzertuak eta DJak Piraten Aste Nagusian

2012/07/12

Kontzertuez gain, DJen emanaldiak izango dira La Flamenka gunean. Donostiako Piratek hamar urte beteko dituzte aurten. Aste Nagusirako prestatu duten egitaraua oraindik erabat lotu gabe dute, baina musikari dagokiona goizean aurkeztu dute Koldo Mitxelena Kulturunean. Donostiako taldeak nagusi izango dira, baina atzerrikoek ere tokia badute. Kontzertuak su artifizialen ondoren hasiko dira, eta aste osoko eskaintza doakoa da.

Larunbata 11: 3gabe2
Igandea 12: Trakets
Astelehena 13: Ze Esatek! eta The Real McKenzies
Asteartea 14: Skakeitan eta Bad Manners
Asteazkena 15: Exaixu eta Tximeleta
Osteguna 16: Donostiako Piraten Musika Lehiaketako talde hautatuak, On, Margot eta Tacumah Reggae Band
Ostirala 17: Xalbala
Larunbata 18: Obrint Pas eta Governors

La Flamenka gunea Kai osoa hartuz zabalduko dute eta kontzertuez gain, DJen emanaldiak ere izango dira egunero. Hauek ere, suen ondoren hasiko dira. Hamar urteko ibilbidea ospatzeko kanta ere prestatu dute. “Oparia” Skakeitan talde donostiarrak eta Beñat Gaztelumendi bertsolariak egin diete. Añorgatarrak, anaiaren laguntzarekin, hitzak asmatu ditu, eta ska taldeak musika jarri diete. Esne Beltzako Xabi Solanok eta Patxukok eta Ze Esatek!-eko Jabi Rodilek eta Mikel Albisuk parte hartu dute grabaketan.