Pablo Campos Trio, Viktoria Eugenia Klubean
Pablo Campos Triok kontzertua eskainiko du gaur, osteguna, 20:00etan Viktoria Eugenia Klubean, 48. Heineken Jazzaldiko tokiko taldeen hautaketaren barruan.
48. Heineken Jazzaldiko Antolakuntza Batzordeak hamabost talde hautatu ditu Donostian urtarrila eta apirila bitartean kontzertuak eskaintzeko. Zuzeneko emanaldi horien ondoren, Batzordeak, kalitate artistikoa eta publikoaren erreakzioa baloratuta, hamar talde aukeratuko ditu 48. Heineken Jazzaldiko programazioan sartzeko.