Borja Kobeaga zinemagilea Almerian, ‘Limoncello’ film laburraren errodajean.
Hautatu dituzte dagoeneko Kimuak 2013 katalogoa osatuko duten filmak. Guztira, aurkeztutako 75 proposamenen artean, zazpi film labur hautatu dituzte katalogo berria osatzeko, eta horien artean, honako hiru zuzendari donostiarren lan bana hautatu dute: Aritz Moreno, Borja Kobeaga eta Aitor Iturriza.
Edonola, honako film laburrek osatuko dute Kimuak 2013 katalogoa: Aritz Morenoren
Colera, Borja Kobeagaren
Democracia, Aitor Iturriza eta Bernat Gualen mallorcarraren
Una hora, un paso, Lander Camarero bilbotarraren
A political story, Izibene Oñederra azkoitiarraren
Hotzanak, Raul de la Fuente iruñearraren
Minerita, eta Asier Altuna bergararraren
Zela Trovke. Katalogo berria datorren irailean aurkeztuko da ofizialki, Donostiako Zinemaldian.
- Aritz Morenok hirugarren film laburra du Kimuaken, 2008an Cotton Candy eta 2011ean Bucle izan ostean. Oraingoan, Richard Corbenen Terminated (Exterminio) komikian oinarritutako Colera film laburra aurkeztu du, herri batek bere gaitza ezabatzeko saiakera kontatzen duena.
- Borja Kobeagak ere parte hartu izan du Kimuaken, beste lau aldiz, La primera vez (2001), Eramos pocos (2005), Limoncello (2007) eta Un novio de mierda (2010) lanekin. Democracia, sistema politiko honen gaineko komedia karmikoa da.
- Una hora, un paso dokumental fikzionatua, Aitor Iturriza donostiarrak Bernat Gual mallorcarrarekin batera ESCACeko Zuzendaritza Masterrean zuzendutako proiektua izan da. Juan Jose Gonzalez Beltran preso ohiaren istorioa kontatzen du, Egipton heriotza zigorra jaso zuena.
Aurtengo epaimahaiak aurkeztutako film laburren maila ona eta horien artean zazpi baino ez aukeratzeko zailtasuna azpimarratu du. Honakoek osatu dute aurtengo epaimahaia: Maialen Beloki (Donostiako Zinemaldiko Hautespen-batzordeko kidea), Josemi Beltran (Donostia Kulturako zinema arduraduna), Lourdes Fernandez (Alhondiga Bilbaoko Zuzendaria), Fernando Lopez de Castillo (Vitoria-Gasteiz Film Officeko zuzendaria eta zinema zuzendaria) eta Inguma Martinez (ETBko albistegietako kultura arlo burua).
