Donostiari "zintzo" jokatzeko eskatu dio Itsas Aurrek
http://youtu.be/25f-aEPv5Aw Donostiarekin adiskidetasun harremana izan nahi duela adierazi du, baina harreman hori berdinen artean ematen dela azpimarratu du, "eta ez menpekoen artean".
Igeldoren sorrera eta garapena ez oztopatzeko eskatu dio
Itsas Aurre elkarteak eskaera bat egin dio Donostiari gaur arratsaldeko elkarretaratzean: “Jokatu dezatela zintzo, eta ez dezatela gure udalerriaren sorrera eta garapena oztopatu”. Ainhoa Gorostidik hartu du hitza elkartearen izenean. Donostiarekin adiskidetasun harremana izan nahi duela adierazi du, baina harreman hori berdinen artean ematen dela azpimarratu du, “eta ez menpekoen artean”.
Igeldok auzo izateari utzi eta udalerri bihurtuko dela ospatu dute gaur. Elkarretaratzea egin dute 20:00etan, herriko plazan.
Baginen bagara eta lortuko dugu dio Mariano Uranga eskultore igeldotarrak herriko plazan jarritako sinboloak. Izan ere, Igeldok udalerri bihurtzeko bideari ekin zionetik, 1994. urtetik dago bertan -Itsas Aurre elkartean-. Herritarrek loreak jarri dituzte plakan.
