"Jendea harrituta geratzen da bion artean sortzen dugun burrunba entzutean"
http://youtu.be/v1VhTX4CCeI Niña Coyote eta Chico Tornadok IRUTXULOKO HITZA hartu du Egian, bere entsegu lokalean, eta taldearen sorrera eta proiektu berria azaldu dio.
Musika talde desberdinetan ikusi ditugu, baina bakoitza bere aldetik beti. Orain, Niña Coyote eta Chico Tornado dira. Usua de La Fuentek eta Koldo Soreten proiektua abiada hartzen ari da irailean lehen kontzertua eman zutenetik. Gitarra doinuak eta bateria kolpeekin osatutako diskoko kantak aurkezten ari dira.
Donostian laster izango dira berriz ere. Eguberri egunean, abenduaren 25an, Bukowskin kontzertua emango dute: “Urtea lagun artean errematatu nahi genuen”. Zuzeneko berezia izango dela esan dute, lagunen bat eszenatokira gonbidatu eta bertsioren bat prestatuko dutela, besteak beste.
Niña Coyote eta Chico Tornadok IRUTXULOKO HITZA hartu du Egian, bere entsegu lokalean, eta taldearen sorrera eta proiektu berria azaldu dio.
