63 film labur aurkeztu dituzte Kimuak katalogorako
Epaimahaia datorren astelehena, ekainaren 9an bilduko da eta egun horretan bertan emango da jakitera aukeraketa berria.
Joan den maiatzaren 30ean itxi zen Kimuaken 2014ko ediziora film laburrak aurkezteko epea, eta 63 izan dira izena eman duten lanak. Aurkeztutako lanak aztertu eta epaitzeko, zinema eta ikus-entzunezkoen munduko bost profesional eta adituez osatutako hautespen batzorde independente bat eratu da.
Aurtengo epaimahaia honako kideek osatzen dute: Maialen Beloki –Donostia Zinemaldiko Zuzendaritza eta Hautespen-batzordetako kidea eta Zinemira sailaren eta Zinema Ikasleen Nazioarteko Topaketaren Arduraduna–, Josemi Beltran –Donostia Kulturako Zinema Arduraduna–, Ismael Martin –ECAM zinema eskolako eta Madrid en Corto egitasmoko Sustapen Arduraduna–, Edurne Ormazabal –EITBko Arlo Komertzialeko Zuzendaria– eta Jorge Sanz –Kultur Kudeatzailea eta Aguilar de Campooko Film Laburren Jaialdiko Koordinatzaile Orokorra–.
Epaimahaia datorren astelehena, ekainaren 9an bilduko da eta egun horretan bertan emango da jakitera aukeraketa berria.
