Bi agertoki berri izango ditu Kutxa Kultur Festibalak

Nerea Lizarralde

2014/06/02

The Pains of Being Pure at Heart musika taldeko kideak Kutxa Kultur Festibaleko zuzendari Sergio Cruzadorekin. (Argazkia: Nerea Lizarralde)

Igeldoko parkingean Red Bull agertokia jarriko dute, eta parkearen albo batean Arteuparte agertokia. Jaialdiaren aurkezpen ofiziala egin dute gaur hedabideen aurrean, Kutxa Kultur Festibalaren kartel berriarekin, eta bertan parte hartuko duen The Pains of Being Pure at Heart musika taldearen laguntzarekin. Mendiko trena, dorrea, beldurrezko etxearen sarrerako tximinoa… Igeldoko jolas parkeko elementu ezagunekin diseinatu dute Kutxa Kultur Festibalaren kartel berria. Abel Cuevas ilustratzaile madrildarrak egin du irailaren 5ean eta 6an Igeldo musikaz beteko duen jaialdiaren irudia.

2014ko ekitaldiaren kartela Abel Cuevas diseinatzaile madrildarrak egin du.

Programaren ordutegia iragarri dute, eta bi agertoki berri izango direla azaldu dute. Bata, Red Bull agertokia, jolas parkearen parkingean jarriko dutena. Eta bestea, Arteuparte kolektiboarena, parkearen albo batean jarriko dutena. Red Bull agertokian izango dira Bide Ertzean, Correos, Mild, Perro, Kokoshka eta Cabezafuego, besteak beste. Red Bull guneak Keler agertokiko kontzertuen tarteko isiluneak beteko ditu. Antzoki Abandonatuan proposamen bereziak bilduko dituzte, eta Auteuparte Stage-an, ordea, chill out moduko giroa sortuko dute, lasaiagoa, DJ eta kontzertu akustikoekin. Bost agertoki izango dira guztira. Keler eszenatoki nagusian izango dira jaialdiko talderik alaienak eta dantzagarrienak. Kutxa Kultur Musika espazioan, berriz, bertako taldeak izango dira. Egun baterako sarrerak 20 eurotan eskura daitezke, eta bi egunerako abonamenduak 32 eurotan. [box] OSTIRALA, IRAILAK 5 Keler agertokia: 23:30 THE WOMBATS 21:45 LORI MEYERS 20:00 TOY 18:15 GRISES Kutxa Kultur Musika agertokia: 22:45 NATURAL CHILD 21:00 SEAN NICHOLAS SAVAGES 19:15 THE ANIMAL WITHIN 17:30 BASMATTI & VIDAUR 16:00 LADRONES DE GUITARRAS Red Bull agertokia: 19:15 BIDE ERTZEAN 17:30 CORREOS 16:00 MILD BUKOWSKI DJs Abandonatutako antzokia: 22:45 MERY MAY 21:00 INDIGO Arteuparte agertokia: Luis Ramiro (Madril) & The Wired Dj´s LARUNBATA, IRAILAK 6 Keler agertokia: 23:30 !!! (Chk Chk Chk) 21:45 REPTILE YOUTH 20:00 EL COLUMPIO ASESINO 18:15 THE PAINS OF BEING PURE AT HEART 16h30 GOSE Kutxa Kultur Musika agertokia: 22:45 WYE OAK 21:00 JACCO GARDNER 19:15 CHASE THE HAYME 17:30 ACIDO C 16:30 HYEDRA Red Bull agertokia: 19:15 PERRO 17:30 KOKOSHCA 16:30 CABEZAFUEGO BUKOWSKI DJs Abandonatutako antzokia: 22:45 LUKE ARMSTRONG 21:00 FRANK Arteuparte agertokia: Pandanono (Barcelona) & Primo DJ [/box]