Alicia Otaegi iruindarraren erakusketa, Aiete kultur etxean
Hainbat materialekin egindako artelanak bildu ditu ‘Ezer ez da dirudiena’ erakusketan.
Ikusleek ondo pasatzea da Alicia Otaegik (Iruñea, 1963) Aiete kultur etxean aurkeztu duen erakusketaren helburua. Kolore, ehundura eta birziklatutako material desberdinen joko dibertigarria erakusten du. Ipuin klasikoetatik hartutako pertsonaiak, animaliak, autoak eta eguneroko objektu txiki desberdinak ikus daitezke. Objektu horiekin errealitate artifizial bat sortu dute, ironiaz eta baikortasunez betea, eta maitasunaz, askatasunaz, gaurkotasunaz, gezurraz eta umore tentelaz diharduten gertuko istorioak kontatzen dituzte. Irailaren 7a arte izango da erakusketa zabalik.
EGILEA
Alicia Otaegui (Iruñea, 1963). Artista eta barne diseinatzailea.
Erakusleihoak, standak, erakusketak eta saltoki komertzialen proiektuak diseinatzen ditu.
Antzerki eszenografietan kolaboratzen du, bai eta zinema dekoratuetan eta telebistako publizitatean ere. Zenbait bideoklip musikalen zuzendari artistikoa izan da, erakusleiho-apainketako ikastaroak ematen ditu, eta arteari, hezkuntzari eta birziklatzeari buruzko tailer sortzaileak antolatzen ditu haur eta helduentzat.
Azken aldian, sortze prozesuaz dihardu hitzaldi eta mahai-inguruetan.
Aiete Kultur Etxea
Aiete pasealekua, 63 • 20009 Donostia-San Sebastián
tel (0034) 943 481 920 • aietekulturetxea@donostia.org 1
IFK-CIF Q2000541I 6634n VI 2009-11
42
BERE LANA
Egindako erakusketen artean, honako hauek nabarmendu daitezke: “Artefacto”, “Bolsos, radiografías de mujer”, “Transf-Horma”, “Quién mira a quién”, “Regálame”, “Setenta por setenta”, “Expresa 2003”, “Homenaje a Lorca”, “Homenaje a Joaquín Pascal”, “La ciudad recreada”, “Clotidianeidad”, “2 x1 a 100”, “Zapateado”, “Violín en Homenaje a Pablo Sarasate”, “Residuo Asiduo”, “Consumocuidado”, “Monjardín multicolor”, “Pequeñas historias, grandes mentiras”, “The end”, “Teorema del amor”.
PhotoEspañaren azken edizioan parte hartu zuen, Buenafuente argazki- proiektua eta captura.org web orria aurkeztuz. Bestalde, Sonimage 2013 edizioan, 10. urteurrenean, erakusketa kolektibo batean parte hartu zuen.
Etxeko hondakinekin hainbat instalazio artistiko egin ditu Iruñerriko Mankomunitatearentzat: “Cortina multicolor” Oblatas zubian eta “El árbol que respira” Mendillorriko ur-biltegietan.
“Flores de otro mundo” Caldearenaseko (Huesca) tren geltokian, Canfranero tren proiektuarentzat, “Bruma” Condestable jauregian, “Idem” NUPeko campusean, “El Teatro se viste de color” eta “Sueño de una noche de Teatro” Gayarre Antzokiko aurrealdean. “Mirador” Milagrosako civivox zentroan eta “Cortina de agua” Juslarrochako civivox zentroan. “Pañuelas” Iruñeko Arkitektoen elkargoaren egoitzan.
Eszenografia laguntzailea izan da zenbait antzerki, opera eta zarzuelatan. Besteak beste: “El amante”, “La canción del Olvido”, “La generala”, “Orquesta de señoritas”, “La bruja”…
Zinema dekoratuak, bideoklipak eta publizitatea. Film laburretan ere parte hartu du “Ciao amore, ciao” (Jose Antonio Vitoria), “Muy negro” (Jose Félix Collazos), “Simétricos” (Laura Belloso), “El viento africano” (Merche Alvarez) eta “Detrás del tiempo” (Mirentxu Purroy), film ertainetan “Emiliana de Zubeldia” (Helena Taberna), eta film luzeetan, “Gipsy” (Rogelio Jiménez) eta “El sudor de los ruiseñores” (Juan Manuel Cotelo). ITP produktorearen bideoklipetan lan egin du (Celtas Cortos, Los Secretos, Seguridad Social, Mikel Erentxun…).
Workshop-ak egin ditu Itaipun (Brasil) “Crear artesanía” proiektuarekin, Yamacuchin (Japonia) “Hermanamiento” proiektuarekin eta ETSAUNen (Nafarroako Unibertsitateko Arkitektura Goi Eskola Teknikoa).
Egun, Gayarre Antzokiko erakusketa programa koordinatzeaz arduratzen da.
