Donostiak Energia Iraunkorren Europar Astearekin bat egin du
Gaurtik hasita eta larunbata bitartean, sistema iraunkorrak erabiltzen dituzten enpresen proiektuak aurkeztuko dituzte.
Donostiak iraunkortasunaren aldeko apustua egin du eta, gaurtik hasita, larunbata bitartean, Energia Iraunkorren Europar astearekin bat egingo du. Europako Energia Batzordeak 2006. urtean martxan jarri zuen jarduera da, eta arlo energetikoko Gipuzkoako zenbait enpresek burututako jarduerari esker, lehenengo aldiz Donostian antolatu dute. Herritarrek enpresa horiek eskuartean dituzten proiektuak bertatik bertara ezagutzeko aukera izango dute, Punto Dendan (Gipuzkoa Plaza 7). Jarduera irekia eta doakoa izango da, eta erakusketa zein hitzaldiek gizartea kontzientziatzea dute helburu.
Iraunkortasunaren alde enpresa donostiar eta gipuzkoarren egindako proposamenak eta sistemak biltzen ditu erakusketak. Esate baterako, termografiak egiteko dron bat ikusi ahal izango dute bertaratzen direnek. Aireontziak dituen sentsoreen (kamerak) arabera, zenbait alorretan emaitzak lortu daitezke. Donostiako Eraikuntza Institutuak ere parte hartu du erakusketan, eta Euskal Herrira iristen ari den sistema aurkeztuko dute: Passivhaus izena du, eta isolamendua da elementu nagusia. Eredu hau jarraituz eraikitzen diren etxebizitzei ia 0-ko kontsumo energetikoa deitzen zaie.
Bestalde, energia eraginkortasunari buruzko hitzaldiak egongo dira egunero. Adituek irtenbide eraginkorrei buruz eztabaidatuko dute, eta bertaratzen direnei aholkua emango diote. Hitzaldi guztiak Punto Dendan egingo dira, eta sarrera doakoa izango da.
Asteari amaiera emateko, Espacios Intermedios estudioak jarduera artistiko zein aldarrikatzailea egingo du, larunbatean, ekainak 28, 11:00etan. Punto Dendan (Gipuzkoa Plaza 7) hormairudi bat kokatuko dute, eta hiritarrek zuhaitz handi baten adaburua berde koloreko oinatzekin margotu ahal izango dute. Honela, denon artean inguru iraunkorragoa sortu dezakegula sinbolizatuko dute.
[box]
HITZALDIEN EGITARAUA
Energia Iraunkorren Europar Astean egingo dituzten jarduerak aurkeztu dituzte. (Argazkia: Lide Ferreira)
- Ekainak 23, astelehena, 13:30. Energia aurreztea arauketa eta kontrolaren bidez lokal komertzialentzat. ARTURO ARRUFAT (Dinuy enpresa).
- Ekainak 24, asteartea, 13:30. Kontsumoen murrizketa instalazio komertzialetan. KEPA FRANCO (Inergetika enpresa) eta GAIZKA FERNANDEZ (Setalde enpresa).
- Ekainak 25, asteazkena, 13:30. Zure faktura elektrikoa nola ulertu eta murriztu. RAFA IRASTORZA (Uhin enpresa).
- Ekainak 26, osteguna, 13:30. Gure etxeetan integratuta al daude sare adimendunak? LUIS MARIA SANCHEZ (Simec taldea).
- Ekainak 27, ostirala, 13:30. Neurtu + arautu + kudeatu = energia aurreztea. XABIER HEREDERO (Wintel Telegestion enpresa).
- Ekainak 27, ostirala, 18:00. Etxe eraginkorrak, osasuntsuak eta iraunkorrak. MARTA EPELDE (Kursaal rehabilitaciones).
- Ekainak 28, larunbata, 13:30. Klimatizazioaren etorkizuna eta ingurumen baldintzen betetzea. IÑAKI BEOLA.
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
-
- Europar Astean egingo dituzten jarduerak aurkeztu dituzte. (Argazkia: Lide Ferreira)
