Gipuzkoa plaza hartuko du azokaren 39. ekitaldiak, uztailaren 13a arte.
Liburu Azokaren aurkezpena egin dute gaur goizean. (Argazkia: E. Zabala)
Euskadiko Liburu Ganbarak Donostiako 39. Liburu eta Disko Azoka antolatu du. Ostiral honetan bertan zabalduko dute eta uztailaren 13a bitartean egongo da. Hala, Gipuzkoa plaza kultur topagune bihurtzea dute helburu antolatzaileek. Izan ere, azokaren bisitariek argitalpen berriak erosteko parada izango dute eta azokaren harira antolatutako hainbat jarduerez gozatzeko aukera izango dute: liburu aurkezpenak, idazleekin topaketak eta hitzaldi solasaldiak. Hiriko udararen erakargarri bat gehiago izango da aurten ere azoka, eta ordutegi zabala izango du, goizez eta arratsaldez.
Guztira, 20 postu baino gehiago izango ditu azokak: Ainhoa liburu denda, Elkar argitaletxea, Erein argitaletxea, Kaxilda liburu denda, Txalaparta argitaletxea… aukera zabala eskainiaz, bai euskaraz eta bai gaztelaniaz ere. Azken batean, antolatzaileek argi utzi dute sormena ez dagoela krisian, eta egungo garaietan oraindik ere garrantzitsuagotzat jo dute irakurtzea.
Zilarrezko Euskadi Saria
Hurrengo asteartea egun polita izango da Xabier Etxaniz Rojo idazle donostiarrarentzat, izan ere, Zilarrezko Euskadi Saria emango diote,
Sirena-hotsak ipuin liburuagatik. Liburutegi Nagusiaren Ekitaldi Aretoan izango da ekitaldia, 10:30ean, eta bertan, Mircea Cartarescuk ere jasoko du saria,
Las bellas extranjeras lanagatik.
LIBURU ETA DISKO AZOKA.
- Noiz: Ekainaren 27tik uztailaren 13ra.
- Non: Gipuzkoa plazan.
- Ordutegia: 11:00etatik 14:00etara eta 17:00etatik 21:00etara.
- Egunez eguneko egitaraua:
Ekainak 26 (19:30). Hitzaldi-solasaldia,
Postosoberania:
Literatura, politica y trabajo, Oscar Ariel. Kaxilda liburudendaren laguntzarekin. Liburutegi Nagusiaren Ekitaldi Aretoan (sarrera San Jeronimo kaletik).
Ekainak 28 (18:00). Javier Sadarekin ibilbidea hirian zehar, Donostia eta lehen mundu gerratea. Gaztelaniaz. Gipuzkoa plazatik abiatuta.
Ekainak 30 (11:30). Liburu aurkezpena:
La bestia que bebe de las huellas, Fernando Palazuelos, Rober Garay. Txalaparta argitaletxearen eskutik. Liburutegi Nagusiaren Ekitaldi Aretoan.
Uztailak 1 (10:30). Zilarrezko Euskadi Sarien banaketa. Sirena-hotsak, Xabier Etxaniz Rojo eta Las bellas extranjeras, Mircea Cartarescu. Elebiduna. Liburutegi Nagusiaren Ekitaldi Aretoan.
Uztailak 1 (19:30). Hitzaldi-solasaldia: Las bellas extranjeras, Mircea Cartarescu. Gaztelaniara itzulpena. Liburutegi Nagusiaren Ekitaldi Aretoan.
Uztailak 2 (18:00). Liburu aurkezpena:
Paremos los vuelos. Kaxilda liburudendaren laguntzarekin. Gipuzkoa plazako erakusketa gunean.
Uztailak 2 (19:30). Hitzaldi solasaldia:
Hutsaren hitzalak, Jon Arretxe. Liburutegi Nagusiaren Ekitaldi Aretoan.
Uztailak 3, (11:30). Liburu aurkezpena:
Ibiltzaile onaren eskuliburua,
Manual del buen paseante. Egilea: Raimon Juventeny. Aurkezlea: Jose Angel Irigarai. Elebitan. Liburutegi Nagusiaren Ekitaldi Aretoan.
Uztailak 4 (11:30). Liburu aurkezpena:
La causa obrera es la causa de Irlanda. La causa de Irlanda es la causa obrera. Txalaparta argitaletxea. Liburutegi Nagusiaren Ekitaldi Aretoan.
Uztailak 4 (19:30). Hitzaldi solasaldia:
Mitologia Vasca, Toti Martinez de Lezea. Liburutegi Nagusiaren Ekitaldi Aretoan.
Uztailak 7 (19:30). Hitzaldi solasaldia:
Egiari zor, Julen Madariaga. Liburutegi Nagusiaren Ekitaldi Aretoan.
Uztailak 8 (19:30). Hitzaldi-solasaldia: Grupos autónomos, Joni D. Gaztelaniaz. Liburutegi Nagusiaren Ekitaldi Aretoan.
Uztailak 9 (19:30). Hitzaldi solasaldia:
Azpilkueta, ekonomiaren aitzindari, Oskar Arantzabal. Liburutegi Nagusiaren Ekitaldi Aretoan.
Uztailak 10 (11:30). Liburu aurkezpena:
1937: El crimen fue en Guernica, Ignacio Fontes de Garnica. Liburutegi Nagusiaren Ekitaldi Aretoan.
Uztailak 10 (19:30). Liburu aurkezpena:
1937: El crimen fue en Guernica, Ignacio Fontes de Garnica. Liburutegi Nagusiaren Ekitaldi Aretoan.
Uztailak 11 (19:30). Pentsamendua eta Poesia: Felipe Juaristi eta Aldeta musika taldea. Liburutegi Nagusiaren Ekitaldi Aretoan.
