Jose Antonio Martinez eta Ane Hernandez izan dira Bentaberriko azkarrenak

Estitxu Zabala

2014/11/19

Donostiako XVI. Estropada Herrikoia antolatu du aurten ere Vermont enpresak, eta 325 aritu dira ergometroan arraunean.

Bentaberri kiroldegiko harmailak arraunzalez bete ziren larunbatean. (Argazkia: Vermont)

Bentaberri kiroldegia arraunzalez bete zen joan den larunbatean. Izan ere, Vermont enpresak Donostiako XVI. Estropada Herrikoia antolatu zuen bertan. Hala, 325 lagun ergometroetan arraunean aritu ziten, horietako 216 gizonezkoak eta 109 emakumezkoak; haurretatik hasi eta helduetaraino. Gizonezko helduetan Jose Antonio Martinezek egin zuen markarik onena, ibilbideko 2.000 metroak 6 minutu eta 25 segundotan egin zituelarik. Urrea lortu zuen bere kategorian, 30-39 urte arteko pisu arinean. Emakumezko helduetan, aldiz, Ane Hernandezek egin zuen denborarik onena. Harnandezek 19-29 urte arteko mailan parte hartu zuen, eta 7 minutu eta 41 segundoko denbora egin zuen. Kaikuko ordezkari moduan parte hartu zuen lehian, baina traineru denboraldia San Juanekin egin zuen joan den denboraldian, eta Kontxako Bandera eskuratu zuen talde arroxarekin. Antolakuntzak 20 ergometro jarri zituen partaideen eskuetara, lau ilaratan banaturik, eta guztira, 20 txandatan jokatu zituzten lehiak, arratsalde osoan barrena. Partaideez gain gainera, kiroldegiko harmailak arraunzalez lepo bete ziren. [box]TXAPELDUNAK Emakumeak:

0-12 urte: Maialen Mielgo (Kaiku). 250 metro, 54’4 segundotan.
13-14 urte: Uxue Urra (Navarra kirol elkartea). 500 metro, 1:44.
15-16 urte: Isabel Carriles (Pedreña arraun elkartea). 1.000 metro, 3:46.
HELDUAK (2.000 metro):

– 50-59 urte [pisu arina]: Cristina Marques (Kantabriako Galizano gunekoa). 8:42. / 50-59 urte -40-49 urte: Nathalie Cambra (Ziburu Donibane Gym). 9:17 -30-39 urte: Barbara Taylor (Getxo taldea). 8:04 / 30-39 urte [pisu arina]: Pantxika Egurbide (Ziburu Donibane Gym). 9:09 -19-29 urte: Oihane Pardo (Deustu). 7:47. / 19-29 urte [pisu arina]: Ane Hernandez (Kaiku). 7:41 -17-18 urte: Laura Jaramillo (Kaiku). Gizonak:

0-12 urte: Iker Castillo (Castro). 250 metro 47’1 segundotan.
13-14 urte: Pablo Quintana (Pedreña). 500 metro, 1:34.
15-16 urte: Iñigo Terreros (Raspas). 1.000 metro, 3:12.
HELDUAK (2.000 metro):

-60-69 urte: Philippe Vidouze (Ziburu Donibane Gym). 7:39 / 60-69 urte [pisu arina]: Ramon Alvarez (Chedu, Kastro). 8:03 -50-59 urte: Mariano Garcia (Gasteiz). 7:02 / 50-59 urte [pisu arina]: Enrique Ruiz (Galizano). 7:29 -40-49 urte: Manu Lopez (ENZ). 6:33. / 40-49 urte [pisu arina]: Anton Cotter (ENZ). 6:48 -30-39 urte: Alejandro Morlote (Gim. Chedu, Castro). 6:48 / 30-39 urte [pisu arina]: Jose Antonio Martinez (Navarra taldea). 6:25 -19-29 urte: Asier Alonso (Zierbena). 6:31 / 19-29 urte [pisu arina]: Javier Erro (Navarra kirol elkartea). 6:34 -17-18 urte: Borja Fernandez (Barquereño). 6:33 [/box]