Shakespeareren 'A Midsummer Night's Dream' komediaren euskarazko itzulpen berri bat jarri du sarean EIZIEk
Euskararen Nazioarteko Egunarekin, William Shakespeareren A Midsummer Night’s Dream komediaren euskarazko itzulpen berri bat jarri du sarean EIZIEk; Juan Garziaren bertsioa, hain zuzen.
Itzulpen hori oinarri hartuta landu ditugu hainbat jarduera aurtengo udazkenean, eta argitalpen honekin eman zaio buru DSS2016EU erakundeak eta EIZIEk elkarlanean antolaturiko Shakespeareren Ametsa biziarazten programari.
EIZIEren web orrian dago eskuragarri Uda-gau bateko ametsa osorik.