Eneko Goia alkategaia, larunbateko ekitaldian. (Argazkia: EAJ)
“Erronka handia dugu aurrean. Hiritarrak
Ideiagunean esaten ari zaizkigu ezin dugula horrela jarraitu eta Donostian aldaketa ezinbestekoa dela. Baina ez bakarrik egungo alkatea berriro alkate ez izateko eta ni alkate izateko, baizik eta, gauzak beste modura egiteko: irekiagoak izateko, hiria integratzaileagoa izateko, elkarrizketaren eta elkarlanaren bidez proiektuak garatzeko gai izateko”. Eneko Goia alkategaiak larunbatean egindako ekitaldian egindako adierazpenak dira hauek. Miramon Teknologia Parkean EAJk udalerako hautagai zerrenda aurkeztu zuen, eta “gauzak beste modu batera” egiteko beharra azpimarratu zuen: “Irekiagoak izateko, hiria integratzaileagoa izateko, elkarrizketaren eta elkarlanaren bidez proiektuak garatzeko gai izateko”.
Goiak adierazi zuen Donostiak ez duela behar “sektarismorik, dogmatismorik eta inposiziorik”: “Ezaugarri horiek guztiek ez dute hiria ordezkatzen eta, beraz, hiria gauzak beste modu batera egiteko eskatzen ari da”. eta EAJrena jo du “benetako gizarte, etika, kultur eta alternatiba eraginkorrentzat.
Goia babesten izan zen Andoni Ortuzar EAJko Euzkadi Buru Batzarreko presidentea. Juan Karlos Izagirre alkatearen “agintera eta inposizioa” baztertu eta “entzueta eta proposatzea” bultzatzearen alde egin zuen Ortuzarrek, eta gaineratu EAJk Donostia “oparoagoa, erakargarriagoa, eraginkorragoa, irekiagoa eta inplikatuagoa” nahi duela: “Hiria hiritarrentzat egin behar da eta hori da EAJren proposamenaren ardatza: Donostia gizatiarragoa egitea”.
Goiak eskatu zuen alderdikide eta alderdizale guztien laguntza, hiritar guztiak bidelagun izatea lortzeko eta, horrenbestez, maiatzaren 24an aldaketa hori egia bihurtzeko.
