Zipotz jaiekin gozatzen hasi dira haurrak

2015/07/17

Aritz Sorzabal

Haur batzuk, marrazten. (Argazkia: Aritz Sorzabal)

Zipotz jaietan bete-betean murgilduta daude Groseko auzotarrak. Helduentzat jarduera ugari daude iragarrita, baina haurrentzat ere tarte nabarmena egin du jai batzordeak. Urrutira joan gabe, gaztetxoei zuzendutako haur jolasak antolatu dituzte Katalunia plazan, gaur goizean. Futbolina, ping-pong, marrazkigintza, eskulanak… denetarik egiteko parada izan dute haurrek, Aukaz aisialdi taldearen gidaritzapean.