Yolanda Arrieta adituaren eskutik egingo dute, larunbatean, Mendiola ikastetxean.
(Argazkia: Eltzegor E.K.E.)
Eltzegor Bidebietako Euskal Kultur Elkarteak antolatuta, guraso, zaintzaile, hezitzaile eta bitartekariei zuzendutako tailer bat egingo dute, euskaraz.
Zer egin liburuekin: kontu kontari izenburupean, Yolanda Arrieta adituak gidatuko du saioa. Larunbatean, azaroak 14, izango da, 10:30etik 12:30era, Bidebietako Mendiola ikastetxean. Saioak irauten duen bitartean, haurtzaindegi zerbitzua egongo da.
Tailerraren helburuak honako hauek dira: haur literaturaren ahozko baliabideak ezagutzea; haurrei eta haurrekin kontuak esatera eta entzutera bultzatzea; eta, partaideen artean emozio, estetika eta zentzuen bidezko giroa bultzatzea euskaraz. Honela, programa hiru zatitan banatuko dute: irakurketa ozena, poesia ezagutzen, eta bat-bateko kontaketak.
Saioa erabat praktikoa izango da, eta haur literatuan oinarritua eta ahozko baliabideak lantzeko bideratua egongo da. Gidoi gisa erabiltzeko fotokopia batzuk banatuko dituzte, baina jarduna izango da nagusi: jokoa, irudimena, umorea, partaidetza eta harremana.
- ZER: Zer egin liburuekin: kontu kontari.
- NOIZ: Azaroaren 14an, larunbatean.
- ORDUTEGIA: 10:30-12:30.
- NON: Mendiola ikastetxea (Bidebieta).
- NORK: Yolanda Arrieta Malaxetxebarria idazleak (www.nitikgura.com).
- NORENTZAKO: Haurren guraso, zaintzaile, hezitzaile eta bitartekarientzako.
