Haurrek bete dute jada euren lana

Sukaldari jantziak dotore asko estreinatu dituzte hainbat konpainietako kideek.

Estitxu Zabala

2016/01/20

Orixe ikastolako haurrak. (Argazkia: Estitxu Zabala)

Haurrek jada bete dute San Sebastian eguneko euren lana. Guztira, 50 konpainiatan banaturik, 7.600 haur inguruk desfilatu dute erdialdeko kaleetan barrena, danbor eta upelak astinduz, besteak beste. San Sebastian Martxa eta Europako ereserkia jo dituzte txiki guztiek batera, Alderdi ederren, eta 12:00etan ibilbideari ekin diote, ohiko hurrenkeran. Aurtengo haur danborradak hainbat berrikuntza izan ditu, Europako Kultur Hiriburutzarekin bat eginez. Batetik, Wroclaw hiriko haurrak ere euren hirian danbor hotsen artean murgilduko dira; eta Alderdi Ederren jai hori pantaila erraldoi baten bidez ikusteko aukera egon da. Izan ere, Donostiarekin batera Hiriburutza elkarbanatzen du Poloniako Wroclaw hiriak. Bestetik, sukaldariaren pertsonaia sartu dute hainbat konpainiek, lehen aldiz, eta dotore asko estreinatu dituzte jantziak haurrek.