Lurrazpiko Festa iritsi da Egiara

Agurtzane Altuna

2016/01/29

Hidrogenesse taldeko kideak. (Argazkia: Ayo Silver!)

Laugarren urtez ospatuko du aurten Ayo Silver!-ek Lurrazpiko Festa. Izenak alderantzizkoa iradokitzen badu ere, musika alternatiboa bistarazi nahi dute, eta estilo anitzetako 21 sortzaile elkartuko dituzte Egian. Gaur abiatuko da jaia Dabadaban. Star Trip (21:00), Sierra (22:00), Pega Monstro (23:00), Tigres Leones (24:00), El Coleta (01:00), eta Ayo Silver dj-ak (02:00) izango dira bertan. Bihar, Betacam eta Heaters taldeek ere joko dute Dabadaban, 17:00etan. Baina saio nagusia Gazteszenan egingo dute. Jagermusic agertoki handian, Joseba Irazoki eta Lagunak (20:45), Single (22:00), Juniore (23:15), Hidrogenesse (00:30), Night Beats (01:45), Kokocha (03:00) eta Dj Food (04:00etan) elkartuko dira. Ayo Silver! agertoki txikian, berriz, Diego Garcia (20:00), Betunizer (21:15), Les Grys-Grys (22:30), C Tangana (23:45), Sauna Youth (01:00), Siesta! (02:30), eta El Coloso de Roda dj-a (03:30). Bi egunetako abonuak 28 euro balio ditu. Gaurko sarrerak 10 euro, eta biharkoak, 24 euro.