Inauterietako hainbat konpartsen desfilea egingo dute Bidebietan
Inauteriak ez dira oraindik amaitu, festak darrai, eta halaxe erakutsiko dute larunbatean, Bidebietan. Izan ere, zenbait konpartsek desfilatu egingo dute auzoetako kaleetatik barrena, 17:00etatik aurrera.
Hala, Alegria de Alza, Fama, Furius, Gurea, Mystic, Santa Barbara, Txasiss eta Thamesis konpartsek euren koreografiak dantzatuko dituzte. Juan XXIII. kalean hasi, eta Julio Urkijotik pasako dira. Amaiera frontoian izango da, eta bertan emanaldi berezi bat eskainiko diete hurbiltzen diren guztiei.