Umeen parte hartzea bultzatuko du Gipuzkoa zutikek

Astebururako egitarau "indartsua" prestatu nahi dute.

Malen Aldalur

2016/06/03

Astebururako egitarau indartsua prestatu nahi du Gipuzkoa Zutiken.

Asteburua prestatzeko asanblada. (Argazkia: @alauzurika)

Astebururako egitarau “indartsua” prestatzeko helburuarekin osteguneko asanbladan “orain arteko jende gehien” batu zirela azaldu du Gipuzkoa Zutik mugimenduak. Talde handietan eztabaidatu ondoren, lantalde txikietan ostiralari eta asteburuari forma ematen hasi ziren. Umeak Gipuzkoa Zutikeko partaide izatea nahi dute, eta horregatik hainbat gurasok kanpaldian umeekin parte hartuko dutela jakinarazi dute: ” Umeentzat ere oso esperientzia aberasgarria izan daitekeelako, eta eguneroko bizitzatik ikasten delako”. Gainera, azaldu dute beraiek izango direla erraustegiaren ondorioak gehien jasango dituztenak: “Eguneroko errealitatearen berri izan eta hausnartzeko adin guztiak dira egokiak”. Ostiralean 17:00etan egingo dute haur eta gurasoen asanblada, “asteburua elkarrekin gustura pasatzeko”. Erraustegiaren aurkako mobilizazioen jarraipena egiten ari da IRUTXULOKO HITZA.

Azken bideoak