Giza katea egin dute Kontxan erraustegiaren aurka
Bulebarra hustutzen ahalegindu dira goizean eta lau lagun atxilotu dituzte.
nahasia izan da Bulebarrean. 8:30ak inguruan Ertzaintzaren hainbat furgoneta hurbildu dira, eta Bulebarra inguratu dute. Ondoren, Bulebarreko kioskoan pilatuta zeuden gazteak indarrez ateratzen hasi da Ertzaintza.
Dena dela, hiru pertsona atera ondore poliziak atzera egin du. Denbora gutxira, Gipuzkoa Zutikeko kide bat eraman du Ertzaintzak, azaldu dutenez Ertzaintzari “edukazio pixka bat” izan dezan eskatu diolako. Gipuzkoa Zutikek jakinarazi dutenez, lau lagun atxilotu dituzte euren burua identifikatu nahi ez izateagatik, baina askatu dituzte dagoeneko.
Erraustegiaren aurkako mobilizazioen jarraipena egiten ari da IRUTXULOKO HITZA.
Gipuzkoa Zutik mugimenduak monbilizazioa egin du arratsaldean erraustegiaren aurka Kontxako hondartzan. Eskutik helduta joan dira Bulebarretik La Perla ingurura arte, “bizitzaren sugea” irudikatzeko.
“Normaltasunez” pasa dute arratsaldea, Frackingaren inguruko hitzaldia, mobilizazioa eta asanblada egin dituzte. Gainera, aste osorako egitaraua prestatzen ere aritu dira: Asteazkenean, 18:00etan jarri dute hitzordua San Martin azokan, eta ardiz jantzita eta zintzarriekin joatera deitu dute. 19:00etan egingo dute batzarra, eta ondoren Kurdistani buruzko hitzaldia. Ostegunean, pankarta erraldoiak jarriko dituzte Zubietan 18:00etan, eta 19:00etako batzarraren ostean, pintxo potea egingo dute auzoetatik, maskarilak eta informazioa banatzen. Ostiralean, aldundia inguratuko duen giza katea osatuko dute 18:00etan, eta 19:00etako batzarraren ondoren, kontzertuak egongo dira.
Bulebarra hustutzeko ahalegina
Goiza