Sekulako harrera egin diete haurrek Errege Magoei

Estitxu Zabala

2017/01/05

Zaldiak utzi eta auto eder baten gainean egin dute auzoetarako bidea erregeek. (Argazkia: Estitxu Zabala)

Meltxor, Gaspar eta Baltasar hirian daude dagoeneko. Opari banaketa gauean egingo duten arren, goizean iritsi dira hiriburura Errege Magoak, zaldi gainean. Kontxan egin dute lehen agerraldia, aurreikusitako ordua baino minutu batzuk beranduxeago, eta haurrak urduri zituzten jada zain. Edonola, jendetza bildu da Kontxa pasealekuan bereziki, eta haurre sekulako harrera egin diete. Ondoren, autoan sartu, eta auzoetarako bidea hartu dute, eta, arratsaldean, ohiko desfilea egingo dute, Erdialdeko kaleetan barrena.