Emakumezkoen Izotz Hockeyko Munduko Txapelketa jokatuko da Donostian

Txuri Urdineko lau jokalarik parte hartuko dute

Irutxuloko Hitza

2017/01/23

Txuri Urdineko neskak izotz jauregiko partida batean. (Argazkia: Marta G. Longobardo)

Urtarrilaren 26tik 29ra 18 urte azpiko Emakumezkoen Izotz Hockeyko Munduko Txapelketa jokatuko da Donostian. Australia, Errumania, Espainia eta Mexikoko selekzioak nor baino nor ariko dira Txuri Urdin Izotz jauregian. Hain zuzen ere, Txuri Urdineko lau jokalari hautatu dituzte txapelketan parte hartzeko: Sara Ibarrola eta Maria Serna defentsak, Naiara Marauri aurrelaria eta Leire Corrales ordezkoa. Gipuzkoako Foru Aldundiko Kultura eta Kirol Departamentuak, Izotz Kirolen Espainiako Federazioak, International Hockey Federation (IIHF) eta Txuri Urdinek elkarlanean antolatu dute txapelketa. Torneoko neurketen egutegia: Urtarrilak 26, osteguna: 16:30 Errumania-Mexiko 20:00 Espainia-Australia Urtarrilak 28, larunbata: 16:30 Australia-Mexiko 20:00 Errumania-Espainia Urtarrilak 29, igandea 16:30 Australia-Errumania 20:00 Mexiko-Espainia Sarrerak Internet bidez eros daitezke, Espainiako Federazioaren web orrian, eta partidaren egunean bertan, berriz, Txuri Urdin Izotz Jauregiko txarteldegian.