Amara Berri, Amassorrain eta Jakintza ikastolen eraikinak hobetu nahi ditu Udalak

Eusko Jaurlaritzari laguntza eskatu diote udal arduradunek, obrak egiteko.

Estitxu Zabala

2017/01/24

Amassorrain ikastolaren barrualdea. (Argazkia: Amassorrain ikastola)

Tokiko Gobernu Batzordeak adostu ditu Eusko Jaurlaritzari laguntzak eskatzeko proiektuak, Udalaguntzak programaren bidez. Diru horrekin, Donostiako Udalaren hezkuntzarako eraikinetan egin beharreko obren %60 ordaintzen du jaurlaritzak, eta udalak hiru proiektutarako laguntza eskatu du:

Amara Berri (Urbieta): Eraikineko instalazioan energiaren eraginkortasuna areagotzeko, oso zaharkitua dagoen kanpoko arotzeria ordezkatzea (aurrekontua: 349.897,72 euro).
Añorgako Amassorrain ikastola: Haur Hezkuntzako gelak hobetzeko eta funtzionaltasuna hobetzeko (aurrekontua: 88.221,12 euro).
Antiguako Jakintza ikastola (Erregezainen kalea): estalduraren zorua hobetzeko (aurrekontua: 875.191.19 euro); eta sarrera irisgarri egiteko aldapa (aurrekontua: 437.072,35 euro)

Beraz, Eusko Jaurlaritzak proiektuak onartuko balitu, Jaurlaritzak 525.114.72 euro ordainduko lituzke, eta, Donostiako Udalak, berriz, 350.076,47 euro (%40).

Azken bideoak