'Tattoo Circus Euskal Herria' topaketak egingo dituzte Añorgan

Era guztietako jarduerak antolatu dituzte Firestone Lantegi Berreskuratuan, ostiraletik igandera.

Inaxio Esnaola

2017/03/28

Topaketen kartela.

Espetxeen aurkako Tattoo Circus Euskal Herria topaketak egingo dituzte Añorgako Firestone Lantegi Berreskuratuan, ostiraletik igandera bitartean. Askotariko jarduerak antolatu dituzte errepresioari eta kartzelei aurre egiteko asmoarekin. Hala nola, hitzaldiak, ikuskizunak, antzerkia, musika, kabareta, Shibaria, piercingak, tatuajeak eta masajeak. Hona hemen, hiru egunetako egitaraua: Martxoak 31, ostirala

19:00. Harrera ekitaldia.
19:30. Bunker-612 tragikomedia post-apokaliptikoa.
21:00. Afaria.
21:00. Bertsxortan ikuskizuna.

Apirilak 1, larunbata

11:30. Zubieta edo burtsan kotizazten diren kartzelak hitzaldia. Dani Jimenez eta Joxe Larrañaga.
14:30. Bazkaria.
17:30. Patriarkatuaren itxiturak: kartzela gizonezko zuri bat solasaldia. Katia Relmberg eta Olatz Dañobeitia preso ohiak, eta Maria Ruiz antropologoa izango dira hizlariak.
20:30. Afaria.
21:30. Kabaret ikusgarria, Añorgako zineman. Sarrerak 5 euro balio ditu. Butho dantza, akrobaziak, flamenko poetikoa, …

Apirilak 2, igandea

12:00. Espetxe sukaldaritza: DIY edo zuk zeuk egin (Prison?Culinary Center).
14:30. Bazkaria.
17:00. ABZ/CIE-ak eta mundu-kartzela: migrazioak giltzapean hitzaldia. Cesar Manzanos eta migratzaileen aldeko ekintzaileekin.
19:00. Jimmy Muelles bakarlariaren kontzertua.
20:00. Itxiera ekitaldia.

Tatuatzaile ezberdinak egongo dira hiru egunetan zehar, eta tatuatu nahi duenak egunean bertan txanda hartu beharko du, edo aurrez eskatu ondorengo posta elektronikoan: tattoocircuseh@riseup.net Bestalde, Oreretako Zintzilik irrati libreak bere estudioa eramango du Firestonera, eta irratsaio berezia eskainiko du larunbatean, 10:00etatik 22:00etara gutxi gorabehera.